Qonaq otağında pərdə seçimi
Evi dekorasiya edərkən mebel və aksesuarlar qədər önəmli bir detal da pərdələrin seçimidir. Qonaq otağında pərdə seçimi ev sahibi, xüsusi ilə də qonaqların diqqət etdiyi əsas məqamlardandır.
Otaq kiçik və ya tavan hündürlüyü alçaqdırsa, tək rəng pərdə seçimi uyğun olacaq. Bu tavanı daha da hündür göstərəcək.
Pəncərələr kiçikdirsə divar rənginə uyğun pərdələr tövsiyyə olunur. Həmçinin, mebellərin rənginə və modellərinə də sözsüz ki, diqqət edilməlidir. Rəngləri uyğunlaşdırmaq istəyərkən mebel və ya divardakı eyni rəngdən istifadə etmək böyük səhv olar. Bir ton açıq və ya tünd tondan istifadə oluna bilər.
Mebel və otağın rəngi ilə ziddiyyət təşkil edən rənglər də seçilə bilər.Məsələn, qəhvəyi tonlar üstün olduqda yaşıl pərdə gözəl görüntü yarada bilər. Bəyaz, qəhvəyi, torpaq tonları ümumilikdə digər rənglər ilə çox rahat uyğunlaşan rənglərdir