Mənzil şəkillərinin düzgün çəkilməsi

İnternet vasitəsilə daşınmaz əmlakın satılması vizual təqdimat tələb edir. Video təqdimat və ya fotoşəkil ilə reklam potensial alıcıların və kirayəçilərin diqqətini cəlb edəcəkdir.
Beləliklə, mənzildə çəkiliş edərkən nəzərə alınmalı əsas məqamları qeyd edirik:
• Lazımsız əşyaları ortadan qaldırmaqla, mənzilinizi səliqəyə salın. Ortalıqda nə qədər az əşya olsa, mənzil bir o qədər daha geniş görünər.
• İkinci vacib məsələ işıqdır. Gündüz, təbii işıqda şəkil çəkmək daha yaxşıdır, amma günəş kölgəsi düşməməlidir.
• Mənzilin sakinləri və fotoqraf kadra düşməməlidir
• Evcil heyvanlarınızın fotolarda olmamasına diqqət edin. Bu bəzi müştərilər üçün xoş qarşılanmaya bilər.
• Evinizin şəkillərini çəkərkən kreativliyə üstünlük verin, digər evlərdən fərqləndirən məqamları fotoşəkildə qeyd edin.
• Çəkilişdən sonra alınan fotoşəkillərin üzərində Photoshopla və ya başqa proqramlarla düzəliş etmək olar.